SEYNT Stevene was a clerk
\nin kyng Herowdes halle,
\nAnd servyd him of bred and cloth,
\nas every kyng befalle.
\nStevyn out of kechoun cam
\nwith boris hed on honde,
\nHe saw a sterre was fayr and bry\u00f5t
\nover Bedlem stonde.
\nHe kyst adoun the bores hed,
\nand went into the halle,
\n\u201d I forsak the, kyng Herowdes,
\nand thi werkes alle.
\nI forsak the, kyng Herowdes,
\nand thi werkes alle,
\nTher is a chyld in Bedlem born,
\nis beter than we alle.\u201d
\n\u201d Quat eylyt the, Stevene ?
\nquat is the befalle ?
\nLakkyt the eyther mete or drynk
\nin kyng Herodwes halle?\u201d
\n\u201cLakit me neyther mete ne drynk
\nin kyng Herowdes halle ;
\nTher is a chyld in Bedlem born,
\nis beter than we alle.\u201d
\nQuat eylyt the, Stevyn ? art thou wod ?
\nor thou gynnyst to brede ?
\nLakkyt the eyther gold or fe,
\nor ony ryche wede ?\u201d
\n\u201d Lakyt me neyther gold ne fe,
\nne non ryche wede ;
\nTher is a chyld in Bedlem born,
\nxal helpyn us at our nede.\u201d
\n\u201d That is also soth, Stevyn,
\nalso soth i-wys,
\nAs this capoun crowe xal
\nthat lyth here in myn dych.\u201d
\nThat word was not so sone seyd,
\nthat word in that halle,
\nThe capoun crew\u00a0Christus natus est<\/i>
\namong tho lordes alle.
\n\u201d Rysyt up, myn turmentowres,
\nbe to and al be on,
\nAnd ledit Stevyn out of this town,
\nand stonit hym with ston.\u201d
\nTokyn he Stevene,
\nand stonyd hym in the way
\nAnd therfore is his evyn
\non Crystes owyn day.<\/p>\n<\/body><\/html>\n","protected":false},"excerpt":{"rendered":"
SEYNT Stevene was a clerk in kyng Herowdes halle, And servyd him of bred and cloth, as every kyng befalle. Stevyn out of kechoun cam with boris hed on honde, He saw a sterre was fayr and bry\u00f5t over Bedlem stonde. He kyst adoun the bores hed, and went into the halle, \u201d I forsak […]<\/p>\n","protected":false},"author":92,"featured_media":0,"comment_status":"closed","ping_status":"closed","sticky":false,"template":"","format":"standard","meta":{"footnotes":""},"categories":[1],"tags":[327,57],"class_list":["post-114579","post","type-post","status-publish","format-standard","hentry","category-uncategorized","tag-merry-christmas","tag-poetry"],"yoast_head":"\n